Venom (2018)

ဒါကတော့ စူပါဟီရိုးပရိတ်သတ်တွေ အကြိုက်တွေ့စေမဲ့ ဇာတ်ကားမျိုးပဲ ဖြစ်ပါတယ်
မင်းသား Tom Hardy သရုပ်ဆောင်ထားပြီးတော့ imdb rating လည်း 6.7 လောက်ရရှိထားထဲ့ ကားကောင်းလေးပါ

ဇာတ်လမ်းအညွှန်းကတော့ အက်ဒီဘရော့ခ်ဟာ အောင်မြင်တဲ့ သတင်းထောက်တစ်ယောက်ဖြစ်ပြီး ပျော်ပျော်နေတတ်သူတစ်ဦးပါ။ သူဟာ တခြားသူတွေ လိုက်ချင်လေ့မရှိတဲ့ သတင်းတွေကိုမှ ရွေးလိုက်တတ်ပြီး ကိစ္စကြီးတွေရဲ့ နောက်ကွယ်က အမှန်တရားကို ဖော်ထုတ်တတ်သူ တစ်ဦးပါ။

တစ်နေ့မှာတော့ သူဟာ လိုက်ဖ်ဖောင်ဒေးရှင်းရဲ့ တည်ထောင်သူဖြစ်တဲ့ ကာလ်တန်ဒရိတ်ခ်နဲ့ အင်တာဗျူးလုပ်ဖို့ အကြောင်းဖန်လာပါတော့တယ်။ လိုက်ဖ်ဖောင်ဒေးရှင်းဆိုတာကတော့ ဒုံးပျံတည်ဆောက်တာတွေကို ဗန်းပြပြီး နောက်ကွယ်မှာ မသမာမှုတွေကို လုပ်နေတဲ့ နေရာပဲဖြစ်ပါတယ်။ အက်ဒီဟာ ကာလ်တန်ဒရိတ်ရဲ့ နောက်ကွယ်က လုပ်ရပ်တွေကို ဖော်ထုတ်ဖို့ ကြိုးစားတဲ့အခါမှာတော့ ကံမကောင်းအကြောင်းမလှပဲ ဘဝပျက်သွားရပါတော့တယ်။

နောက် ၆ လ ကြာတဲ့အခါ အက်ဒီဟာ လိုက်ဖ်ဖောင်ဒေးရှင်းက ဓာတ်ခွဲခန်းတွေထဲကို ခိုးဝင်ဖို့ နောက်ထပ်အကြောင်းဖန်လာပြန်ပါတယ်။ ဓာတ်ခွဲခန်းထဲ ရောက်သွားတဲ့ အခါမှာတော့ အက်ဒီဟာ ကာလ်တန်ဒရိတ်ခ် စမ်းသပ်နေတဲ့ ဗီနွန် ဆိုတဲ့ Symbiote တစ်ကောင်နဲ့တွေ့ပြီး သူ့ရဲ့ ခန္ဓာကိုယ်ထဲကို မတော်တဆအဝင်ခံလိုက်မိပါတော့တယ်။ အဲ့နောက်မှာတော့ အက်ဒီနဲ့ ဗီနွန်ဟာ နှစ်ယောက်သား အချင်းချင်းဘယ်လို အသားကျအောင်လုပ်ကြမလဲ၊ လိုက်ဖ်ဖောင်ဒေးရှင်းနဲ့ ပတ်သက်ပြီးတော့ရော ဘယ်လိုဖြေရှင်းကြမလဲ၊ မမျှော်လင့်ပဲဖြစ်လာတဲ့ ကမ္ဘာပျက်မဲ့ အန္တရာယ်ကိုရော တားနိုင်ပါ့မလားဆိုတာ စောင့်ကြည့်ရမှာပဲ ဖြစ်ပါတယ်။

ဒီကားလေးဟာ အစပိုင်းမှာတော့ အက်ဒီဘရော့ခ်ရဲ့အကြောင်းကို Tom Hardy က သူ့ရဲ့ကိုယ်ပိုင်ဟန်ပန်တွေနဲ့ သရုပ်ဆောင်ထားပြီး ဇာတ်လမ်းအစပိုင်းကိုတော့ ခပ်လေးလေးပဲ ရိုက်ပြထားပါတယ်။ ဒါပေမဲ့ နောက်ပိုင်းကို ရောက်လာတာနဲ့အမျှ အက်ဒီနဲ့ ဗီနွန်ရဲ့ အတွဲညီကြပုံတွေ၊ ဟာသဆန်ဆန် ဇာတ်ဝင်ခန်းလေးတွေကို ဝေဝေဆာဆာနဲ့ တွေ့ရမှာပဲ ဖြစ်ပါတယ်။ တချို့ ချတဲ့အခန်းတွေဆိုလည်း တော်တော်မိုက်ပါတယ်။ တချို့အခန်းတွေမှာ ရယ်နေရပေမဲ့ ဇာတ်လမ်းတစ်ခုလုံးအရ ဆို Dark ဖြစ်တဲ့ဘက်ကို သွားနိုင်ပါတယ်.. Venom ကို ကောင်းကောင်းမိတ်ဆက်သွားတဲ့ ဇာတ်ကားပါပဲ။

• Format……….: MP4
• Quality………..: Blu-ray
• Resolution….: 1080p, 720p, 480p
• Duration……..: 1h 52min
• Translator…..: khin hsu hsu san (khsu.s)
• Encoder………: MZM