Triggered (2020)

Nov 6 ရက်နေ့တုန်းက ထွက်ထားတဲ့ ဇာတ်ကား အသစ်လေးနဲ့ မိတ်‌ဆက်ပေးချင်ပါတယ်။ ဇာတ်လမ်းက သည်းထိတ်ရင်ဖို ဆိုပေမယ့် အသက်ရှင်ဖို့ ရုန်းကန်နေရတဲ့ Game ကို ကစားနေရသလို ခံစားစေရမှာပါ။

13 နှစ်အောက် ကလေးတွေအနေနဲ့ ကြည့်ဖို့ မသင့်တော့ပါဘူး။ ဇာတ်လမ်းထဲမှာ သုံးနှုန်းတဲ့ စကားလုံးတွေက နည်းနည်းလေး 18+ တွေ ဖြစ်နေတာကြောင့်ပါ။

ဇာတ်လမ်းကတော့ သူငယ်ချင်း ၉ ယောက်ကို ဇာတ်အိမ်တည်ထားတာပါ။ သူငယ်ချင်း ပြန်လည်တွေ့ဆုံပွဲအနေနဲ့ တောထဲတစ်နေရာမှာ Camping သွားကြတာပေါ့။

အဲ့ဒီညမှာပဲ သူတို့အတွက် ကံကြမ္မာဆိုးတစ်ခု ကျရောက်ပါတော့တယ်။ အဲ့တာက အထက်တန်းတုန်းက သူတို့လုပ်ထားခဲ့တဲ့ အရိပ်မည်းကြီးတစ်ခု‌ကြောင့် ဆိုတာကို သူတို့လည်း မသိရှာကြဘူး။

သူတို့ ရင်ဆိုင်ရတဲ့ ကြမ္မာဆိုးကတော့ သူတို့ရဲ့ အထက်တန်းတုန်းက သိပ္ပံဆရာက သူတို့ကို အိပ်မွေ့ချပြီး သူတို့ရဲ့ ခန္ဓာကိုယ်မှာပါ ချိန်ကိုက်ဗုံးတွေ တပ်ဆင်ထားလိုက်တာပါပဲ။ ပြီးတော့ ဆရာက “မင်းတို့ထဲက တစ်ယောက်ပဲ ဒီတောထဲကအသက်ရှင်လျက်ထွက်နိုင်မယ်” လို့ပြောပြီး သူ့ကိုယ်သူ အဆုံးစီရင်သွားခဲ့ပါတယ်။

ဗုံးတွေက အဆင့်မြင့် နည်းပညာတွေ ဖြစ်ပြီးဖြုတ်ပစ်လို့လည်း မရသလို တစ်ယောက်နဲ့ တစ်ယောက်လည်း အချိန်မတူပါဘူး။ အချိန်အများဆုံးရဖို့ အတွက်တစ်ယောက်ကိုတစ်ယောက်သတ်ရမှာပါ။ အဲ့ဒီတော့ အခင်ဆုံး သူငယ်ချင်းတွေကနေရန်သူတွေဖြစ်သွားကြတဲ့အထိ ဖြစ်သွားကြရတယ်။ပြ‌ီး‌တော့ ဘယ်သူက လွတ်မြောက်သွားနိုင်မလဲ၊ ဆရာရဲ့ လုပ်ရပ်ကကော ဘာအတွက်လဲဆိုတာကို ရင်တမမနဲ့ ကြည့်ရမှာပဲ ဖြစ်ပါတယ်။

• Format……….: MP4
• Quality………..: Web-DL
• Resolution….: 1080p, 720p, 480p
• Duration……..: 1h 34min
• Translator…..: OOt Poppy
• Encoder………: MZM