I Care a Lot (2021)

မာလာဂရေဆင် Rosamund Pike (Gone Girl) ဟာကျန်းမာရေးမကောင်းတဲ့ မိမိကိုယ်ကိုမစောင့်ရှောက်နိုင်တဲ့ သက်ကြီးရွယ်အိုတွေကို တရားရုံးညွှန်ကြားချက်နဲ့လိုအပ်သလိုစီမံခန့်ခွဲပေးနေရတဲ့ လူမှုဝန်ထမ်းတစ်ယောက်လို့ အများသိကြပါတယ်။ တကယ်တမ်းတော့ သူဟာ အဲ့ဒီသက်ကြီးရွယ်အိုတွေကို ဆရာဝန်၊ စောင့်ရှောက်ရေးဂေဟာစတာတွေနဲ့ပေါင်းပြီးတော့ နောက်ခံမိသားစုမရှိ စုဆောင်းငွေများများရှိတဲ့သူတွေကို ဦးတည်ပစ်မှတ်ထားရွေးချယ်၊ သူတို့ပိုင်ဆိုင်မှုတွေကို ရောင်းချပြီး စီးပွားရှာနေတာပါ။

သူ့အချစ်တော်လေးလဲဖြစ် စီးပွားဖက်လဲဖြစ်တဲ့ ဖရန် Eiza González(Baby Driver)ကတော့ မကောင်းမှုဒုစရိုက်ဘက်မှာအဆက်အသွယ်ကောင်းတွေတဲ့မိန်းမလှလေးတစ်ယောက်ဖြစ်ပါတယ်။

တစ်နေ့တော့ သူတို့အဆက်အသွယ်ဆရာဝန်က အချဉ်တွေ့ပြီဆိုပြီး အဘွားကြီးတစ်ယောက်ဆီလမ်းညွှန်ခဲ့ပါတယ်။ အဘွားကြီးဟာ ဆွေမျိုးသားချင်းမရှိ၊ တကိုယ်ရေသမား အပျိုကြီးဖြစ်ပြီး လူချမ်းသာရပ်ကွက်မှာအိမ်တစ်လုံးလက်ငင်းဝယ်ထားနိုင်တဲ့သူဆိုတော့ အထုပ်အထည်အကြီးကြီးပိုက်ထားနိုင်မယ့်သူဆိုတာလဲသိသာနေပါတယ်။

ဒီတော့ သူတို့အတွက်ပွပေါက်တစ်ခုပဲလို့ယူဆပြီး အဘွားကြီးကို အိမ်ပေါ်က ခြိမ်းခြောက်ခေါ် စောင့်ရှောက်ရေးဂေဟာကို ဆေးစာအတု တရားရုံးအမိန့်တွေနဲ့အတင်းအကျပ်ပို့ပြီးတဲ့နောက်မှာ သူတို့မသိခဲ့တာကတော့ အဘွားကြီးရဲ့နောက်ခံဇာတ်ကြောင်းဖြစ်ပြီး သူတို့ လိမ်စားရမယ့်အဘွားကြီးအရွေးမှားသွားတာကိုနောက်ကျမှ သိခဲ့ပါတော့တယ်။

အဘွားကြီးရဲ့ လူသူမသိသား ဂန်းစတားကြီးအဖြစ် ပရိသတ်အချစ်တော် Tyrion Lannister (Game of Thrones) တစ်ဖြစ်လဲ Peter Dinklage ကသွေးအေးအေးနဲ့ကြမ်းပြထားပါတယ်။

I Care a Lot ကိုဝေဖန်သူအများစုကြိုက်နှစ်သက်ကြပြီး Rosamund pike ရဲ့သရုပ်ဆောင်မှုကိုအထူးချီးကျူးကြသလို လာမယ့် ရွှေကမ္ဘာလုံးဆုပေးပွဲအတွက် Rosamund Pike ဟာ ဟာ Comedy or Musical ကဏ္ဍအတွက် အကောင်းဆုံးအမျိုးသမီးဇာတ်ဆောင်ဆု ဆန်ကာတင်ဝင်ထားပါတယ်။

• Format……….: .mp4 & .mkv
• Quality………..: Web-rip
• Resolution….: 1080p 5.1CH, 720p, 480p
• Duration……..: 1h 58min
• Translator…..: Dreamy
• Encoder………: MZM