ဖုတ်ကောင်တွေနဲ့ အနှံ့အပြားကပ်ဆိုက်မှုတွေဖြစ်ပေါ်နေတဲ့အချိန်မှာ အေဒင်(Tyler Posey) ဆိုတဲ့ကောင်လေးတစ်ယောက်ဟာ သူ့တိုက်ခန်းထဲမှာရှိတဲ့အစားအသောက်တွေနဲ့ ဘယ်မှမထွက်ပဲ တစ်ဦးတည်းနေထိုင်ခဲ့ပါတယ်။ ဝရန်တာကိုထွက်ကြည့်ကြည့် စင်္ကြန်လမ်းလှေကားတွေမှာတော့အုတ်အော်သောင်းတင်း ပြေးလွှားနေတဲ့ဖုတ်ကောင်တွေအပြည့်ပါပဲ။

အချိန်တွေကြာလာတာနဲ့အမျှ ရိက္ခာပြတ် ရေပြတ်လုနီးပါးအခြေအနေအပြင် ဘယ်သူနဲ့မှ စကားမပြောရ ဆက်သွယ်လို့မရပဲ ရူးကြောင်ကြောင်ဖြစ်စပြုလာရာကနေ မျက်နှာချင်းဆိုင် တိုက်ခန်းက မိန်းကလေးတစ်ယောက်နဲ့ အဆက်အသွယ်ရ အဖော်ရစပြုလာတဲ့အခါ..။

ဇာတ်လမ်းကိုတော့ အားလုံးသိကြမှာပါ။ ဒီနှစ်အစောပိုင်းက ထွက်ခဲ့ပြီး အောင်မြင်မှုအရှိန်ကြီးမားခဲ့တဲ့ ကိုရီးယားဇာတ်ကား #Alive ပါပဲ။ မူရင်း ဇာတ်ညွှန်းရေးဆရာရဲ့ဇာတ်ညွှန်း #Alone ကို ဒါရိုက်တာနဲ့အတူ ကိုရီးယားအတွက်ပူးတွဲရေးသားပြီး #Alive ဖြစ်လာခဲ့တာပါ။

ဇာတ်ညွှန်းတစ်ခုတည်းကို အခြေတည်ထားလို့ ကိုရီးယားဇာတ်ကားနဲ့ကျောရိုးတူပေမယ့်တစ်ချို့နေရာလေးတွေမှာတော့ သူ့ဟန်နဲ့သူကွဲပြားနေပြီး တစ်မျိုးစီကြည့်လို့ကောင်းပါတယ်။ ဆယ်ကျော်သက်မိန်းကလေးတွေအကြိုက် Tyler Posey (Teen Wolf) ခေါင်းဆောင်ပါဝင်ထားပါတယ်။

• Format……….: MP4
• Quality………..: Blu-ray
• Resolution….: 1080p, 720p, 480p
• Duration……..: 1h 32min
• Translator…..: Dreamy
• Encoder………: MZM