300 (2006)

ဒီတစ်ခါတော့ ဆုပေါင် း၁၉ ဆုရရှိခဲ့တဲ့ 2006 ခုနှစ်ကထွက်ရှိထားတဲ့ 300 ဆိုတဲ့ရုပ်ရှင်ကားလေးနဲ့ မိတ်ဆက်ပေးချင်ပါတယ်။ ဒီကားလေးကိုတော့ လူတိုင်းသိကြမှာပါ။ ရာဇဝင်ထဲက ဖြစ်ရပ်မှန်ကို ကိုးကားပြီးရိုက်ကူးထားတာဖြစ်ပါတယ်။

ဂရိပြည်က စပါတန်မျိုးနွယ်စုတွေဟာ သဘာဝတရားထဲမှာရှင်သန်နိုင်တဲ့ အကောင်းဆုံးလူတွေကိုဘဲမွေးထုတ်တဲ့ မျိုးနွယ်စုဖြစ်ပါတယ်။ ကလေးမွေးလာရင် မွေးလာတဲ့ကလေးကို ရောဂါရှိမရှိ ကိုယ်အင်္ဂါချို့ယွင်းမှုရှိမရှိ စစ်ဆေးကြပြီး ရှိခဲ့ရင်လည်း စွန့်ပစ်ကြပါတယ်။ ဒီစစ်ဆေးမှုမှာအောင်မြင်တဲ့ကလေးတွေဟာ အရွယ်ရောက်ရင် တိုက်ခိုက်ရေးပညာ သင်ကြားရပြီးတော့ စစ်ဆေးမှုတွေခံယူရပါတယ်။ အဲဒါတွေအကုန်ကျော်ဖြတ်ပြီးမှ အရွယ်ရောက်တဲ့စပါတန်တစ်ယောက် ဖြစ်လာတာပါ။ အဲဒီစပါတန်မျိုးနွယ်မှာ လီယိုနာဒ်ဘုရင်အုပ်ချုပ်နေချိန် ပါရှန်းတွေက ကမ္ဘာကြီးမှာအင်အားကောင်းလာပြီး နိုင်ငံအများစုကလည်း တော်လှန်နိုင်စွမ်းမရှိတာကြောင့် လက်အောက်ခံအဖြစ်ခိုလှုံကုန်ကြပါတယ်။

ဒီလိုနဲ့ပါရှန်းတွေရဲ့စစ်မီးက ဂရိပြည်ဆီလည်းရောက်လာခဲ့ပါတယ်။ အဲဒီစစ်ဘေးကနေ ကာကွယ်ဖို့အတွက် လူအင်အားကြီးမားလှတဲ့ ပါရှန်းကျွန်စစ်တပ်ကြီးကို ရဲစွမ်းသတ္တိရှိတဲ့ စပါတန်အယောက် ၃၀၀ နဲ့ ခုခံတိုက်ခိုက်ကြပုံကို ရိုက်ကူးဖော်ပြထားတာပါ။ ဒီစစ်သည် ၃၀၀ ရဲ့ စိတ်ဓာတ်လှုံ့ဆော်မှုကြောင့် ပါရှန်းတွေကိုတော်လှန်ဖို့ ဂရိပြည်အနှံ့က တိုင်းပြည်တွေပူးပေါင်းခဲ့ပါတယ်။ ဘယ်သူမှအာမခံရဲတဲ့စစ်တပ်ကြီးကို ဘာမထီစိတ်ဓာတ်နဲ့အာခံပြီး သူများလက်အောက်မှာနေမယ့်အစား အသေခံရဲတဲ့သတ္တိနဲ့ လွတ်လပ်မှုကို တန်ဖိုးထားတတ်တဲ့စိတ်ဓာတ်တွေကို ရှုစားရမှာပါ။

ဒီကားမှာ စပါတန်မိခင်တွေရဲ့ စစ်ထွက်ရင်အနိုင်နဲ့ပြန်လာပါ မဟုတ်ရင် အလောင်းအနေနဲ့ဘဲပြန်လာပါလို့မှာတဲ့ စိတ်ဓာတ်တွေ၊ တိုက်ပွဲမှာဘယ်တော့မှနောက်မဆုတ်ဘူး၊ အညံ့မခံဘူး၊ အသေဘဲခံမယ်ဆိုတဲ့စိတ်ဓာတ်တွေကို ထင်ထင်ရှားရှားမြင်ရမှာပါ။ Quantity Vs Quality ထိပ်တိုက်တွေ့တဲ့ပွဲမှာ သမိုင်းတစ်ကွေ့ပြောင်းခဲ့တာကို လှလှပပရှုစားရမှာဖြစ်လို့ လက်မလွှတ်သင့်တဲ့ကားလေးပါပဲ။

• Format……….: .mp4 & .mkv
• Quality………..: Blu-ray
• Resolution….: 4K, 1080p 5.1CH, 720p, 480p
• Duration……..: 1h 57min
• Translator…..: Cyanide
• Encoder………: MZM